日本型男竹野內豐不嬲受男同志歡迎，入行20年嘅佢最近首認戀情，據講東京同志勝地新宿二丁目呢幾日愁雲慘霧，一名40幾歲嘅男同志就喊住受訪，佢話一直以為豐哥只愛男人，今次忽然搭上26歲FCup女星倉科加奈，佢估偶像可能係雙性戀喎！

呢位粉絲大受打擊，話當地同志們已經另覓男神，紛冧盛傳執二攤紛轉演新版《半澤直樹》嘅西島秀俊。男同志越諗越嬲，仲向記者爆料話，原來當地同志界一直盛傳豐哥同個香港男星有斷背情，傳聞指豐哥曾經專登飛到香港會情郎，真係唔知真定假。

話時話，豐哥同香港的確頗有淵緣，佢同陳慧琳合演過電影《冷靜與熱情之間》，早幾年又為品牌來港出席剪綵活動，當時豐哥要求希望爭取多啲私人時間，所以只接受少數傳媒訪問。最近，豐哥上富士節目《SMAPｘSMAP》，主持中居正廣居然擺佢上枱，雖然豐哥大方重提同志疑雲，不過就顯得有些少尷尬。


【三個粉絲去首爾】
追星實錄，即上韓劇讀: http://hk.apple.appledaily.com/kstar