倪震與友人投資過百萬元位於灣仔的美式桌球室昨日正式開幕，一眾到賀的圈中好友如梁漢文及谷德昭等更分組進行比賽。同樣有到場的周慧敏則表示替男友倪震能達成心願而高興，她又指自己愛打桌球至天光才走。

倪震與友人投資過百萬元位於灣仔的美式桌球室Joe'sBilliards&Bar昨日正式開幕。
一向熱愛美式桌球的周慧敏一早到場支持男友倪震，並替活動擔任剪綵嘉賓，好友如古巨基、梁漢文、黃伊汶、陳輝虹、谷德昭、黃毓民及雷頌德亦有到賀，眾人之後更即場進行分組賽事，結果梁漢文成為冠軍。

夜晚最活躍

周慧敏表示為男友能達成心願開設美式桌球室感到高興，她說：「呢間舖全部係阿Joe（倪震）設計，多個地方打波梗係開心，我同古巨基有時一打就十幾個鐘，以後打夜啲都得，我夜晚係最活躍，通常都係天光先走。」
倪震表示桌球室不設會員制，他說：「唔介意呢度成為追星族熱點，嚟得就唔介意畀人睇啦！我個人投資咗六位數字，冇諗幾時回本。」
古巨基前晚擔任Twins演唱會嘉賓時，以一曲《無賴》揶揄鄭中基及阿Sa的戀情，古巨基昨日表示是順應導演安排，他說：「綵排時阿Sa已經知，佢都冇反對，我本來都想講鄭中基有嚟現場睇，不過後來驚引起現場觀眾哄動先冇講。」

獲憶蓮安慰

此外，近日有雜誌報道林憶蓮成為男友陳輝虹與女兒的磨心，陳輝虹昨日表示憶蓮為報道感不快，他又說：「憶蓮反而安慰我，我哋𠵱家嘅關係良好，我同佢個女都冇問題，好似朋友咁。」
採訪：卓美娟　攝影：陳慧安