【有啲難度】湯寶如想請陳奕迅上ViuTV 直言拍攝與無綫大不同
蘋果日報 2019/10/29 16:25
湯寶如Tonick湯記好想拯救地球
（右圖攝影：羅慧敏、左圖：微博圖片）- ToNick新歌拍攝的MV是有史以來的最大製作
- 湯記又笑指跟Joey合作開心，雖然多數一take過，但Joey卻經常要趕住走。
湯寶如（湯記）今天於商台接受訪問，最近正在為ViuTV音樂節目《Chill Club》擔任主持，並找來Joey Tang合作，湯記說：「好開心呀，而家拍咗6集，暫時會有13集，啱啱播咗第一集，反應都OK，我都有傾緊啲嘉賓，有啲會難度期嘅，之前已經搵咗王馨平同趙學而，佢哋係我好朋友，之後都想搵方皓文同陳柏宇，想節目young啲，我好鍾意佢哋。」湯記又謂最希望找陳奕迅（Eason）當嘉賓，她說：「其實我已經打咗畀佢經理人，但係佢要準備演唱會，好多工作，希望添食啦，到時可以搵到佢，呢個係我嘅夢，Eason真係好難請到，尤其係唱live，我睇住佢出道，而家咁成功，真係好欣賞佢，應該要上吓電視。」
湯記直言ViuTV拍攝跟無綫大不同，她說：「係差好遠嘅，TVB一次會請10個嘉賓，而家我哋請兩個，一個主打，另一個係素人，請啲隱世高手，拍呢個節目感覺好好，係以音樂為主，同觀眾都好close。」湯記又笑指跟Joey合作開心，雖然多數一take過，但Joey卻經常要趕住走。
樂隊ToNick今天於商台宣傳新歌《好想拯救地球》，他們提到新歌拍攝的MV是ToNick有史以來的最大製作，拍攝在廠房中搭建了一個沙漠，營造戰場及廢墟感，他們更要拍足48小時，相當揼本！ToNick感謝一班朋友為MV出錢出力，尤其是導演，形容自己是「受到感召」，找來團隊拍出電影感MV。新歌相當有意思，他們說：「故事由小朋友守護一棵小樹苗開始，集結一班人去對抗，集合眾人微小嘅力量，堅持信念，足以抗衡，一定可以達成偉大嘅目標，希望新歌能為大家打氣！畀力量大家！」
此外，談到隊友恆仔早前為ERROR棟篤笑任嘉賓，恆仔笑言下次拍MV必定會找ERROR客串，他說：「本身是ToNick一齊做嘉賓，但ERROR已有4個人，唔夠位企，所以我答應前都有同隊員溝通。」
採訪、攝影：羅慧敏