房協嘅馬鞍山夾屋轉私樓項目，待信和正式發售同區海典灣之後就會推出，個盤最近正式定名為曉峰灣畔，英文為MountainShore。

海典灣多行家追捧
繼中原分行經理買咗海典灣後，噚日蘭西又收到料，原來利嘉閣都有3個員工入市。第日個盤入伙後出出入入可能都會撞到唔少代理行家。蘭西心諗，代理自己入貨，唔知可唔可以賺埋發展商嘅佣呢？
𠵱家內地樓盤嘅發展商實力愈嚟愈強，好多都持有幾間內地甚至本港嘅上市公司，好似將來港發售嘅深圳福田樓盤安柏‧麗晶，發展商是北京天鴻集團屬下公司深圳祈年實業，北京天鴻響內地持有100間公司，包括海南寶華同天鴻實業兩間上市公司。天鴻集團過去13年發展嘅房地產面積超過1億平方呎。
總部設於美國紐約嘅WorldTeleportAssociation，選出九龍倉（004）嘅尖沙嘴海港城同銅鑼灣時代廣場，為2001年WorldTeleportProperty，肯定該兩項物業響寫字樓、零售、住宅同娛樂等多功能綜合用途，以及引進寬頻通訊設施嘅成就。
蘭西