大劉劉鑾雄上周五被澳門初級法院宣判，行賄澳門工務司前司長歐文龍及洗黑錢罪名成立，判監五年三個月，不過大劉已向澳門中級法院提出上訴。

連日來，身在香港嘅大劉如常到灣仔福臨門用膳，生活似乎未有受到太大影響。

今日下午1點半左右，大劉乘坐一架白色七人車到達福臨門，全身黑色打扮嘅大劉，落車後被記者追問對上訴有冇信心﹖會唔會開記者會？大劉充耳不聞就行咗入去。

大約5分鐘後，女友甘比乘坐「IMISSU」嘅七人車到，拎住個紅色Birkin手袋嘅甘比滿面愁容，似乎好替大劉擔心，佢哋食咗兩個鐘就埋單坐車走人。