據華華了解,一向低調同唔太鍾意去蒲晚宴ball場嘅Norman,之所以肯做主席,其一,係對崇基有感情,其二,佢係中大榮譽院士,所以咪一口應承囉!
咁芸芸校友之中,點解要揀Norman呢?即係咁,無論當年定今日,由金管局以至金融界,十個有十個都係港大幫,系出中大嘅賓架,數來數去就只有剛剛榮休嘅獅子行首位華人大班鄭海泉,但鄭大班係新亞人而非崇基仔噃!
所以,1976年崇基社會學系畢業、當年乃中大首批獲聘加入政府做政務主任(AO)嘅Norman,家陣唔單止係賓架咁簡單,直頭管晒班賓架,係崇基之光!
至於Norman點解能夠喺港大圈中突圍而出,照華華估計,佢小學讀蘇浙,學得一口流利普通話,中學就係皇仁仔,接受殖民地優質教育,有咁好嘅底,要跑出,唔難!
mailto:
[email protected]