當年今日
關於我們

【新鮮娛頭】周柏豪怕瘀拒入院 連詩雅狂操馬甲線

蘋果日報 2014/09/13 06:00

周柏豪連詩雅

周柏豪及連詩雅噚晚喺中環出席Adidas活動,柏豪嚟緊喺紅館開騷,佢話0依家日日操弗自己,不過就試操過籠,佢話:「有日操到血糖低,唔可以揸車,要同事幫手揸車,同事叫我去醫院,但我覺得操到入院好鬼瘀,所以返屋企瞓,返到屋企瞓咗三小時,我阿媽係咁入房Check我,聽下我有冇呼吸,因為我好似斷咗片,冇咗記憶咁。」

柏豪憶述當時記得喺更衣室除晒衫,但冇氣力沖涼,教練見佢咁耐未出嚟,就入去睇佢,仲即刻叫佢食嘢同飲嘢。咁現時操到乜嘢出嚟?柏豪自信咁話:「滿意,總之好過上次演唱會,一定會滿足到觀眾。」個唱請咗乜嘢嘉賓?佢就保持神秘,但就話全部都係自己偶像。

至於連詩雅亦表示最近要開始錄音,佢話:「都想自己快啲開騷,(要操弗?)係呀,要操下馬甲線,會Sexy過事業線。」記者笑言事業線操唔到喎,連詩雅就話:「事業線係托出嚟﹗」