韓國男團BIGBANG近期認真多是非，繼成員T.O.P認食大麻遭起訴、服食過量藥物傳自殺之後，今日成員勝利揸車時亦遇上小意外，幸好冇人受傷。

據知今早韓國時間11時半左右，勝利嘅座駕於首爾三成洞寓所附近，與鄰居嘅車輛發生輕微碰撞，唔小心撞上要駛離停車場嘅車輛車尾。對方當時並唔知道車主係勝利，而車身只係輕微損毀，事件中冇人受傷。而勝利亦未有受事件影響心情，今日下晝更於Instagram為好友宣傳新歌。

而曾表示想戒煙嘅BIGBANG隊長G-DRAGON（GD），今日就於Ig公開一張有香煙嘅相，有粉絲即留言叫GD好好照顧自己，盡早戒煙。