消息稱，中環皇后大道中68號卡佛大廈11樓單號室，樓面約636方呎，以逾4.26萬元租出，呎租約67元，新租客是玄學家麥玲玲。

麥玲玲發跡地中環德輔道中20號德成大廈重建，全幢租客被逼遷，去年已開始四出訪尋同區寫字樓，曾經打算購入遠東金融中心分層單位，惟寫字樓呎價在過去數月爆升。其中由資深投資者蔡伯能拆售的遠東金融中心3樓，呎價最高造至48,000元。而該廈今年初呎價高至5.26萬元，為本港商廈次高。

麥玲玲接受訪問承認卡佛大廈單位簽訂剛租約，與大業主簽訂3年租約，料今年中遷入。她表示，現在中環寫字樓供應緊張，「租全層可能容易啲，但要租400至600方呎，呢啲呎數同單位唔係好大，好難搵。睇咗好多單位，行過去萬邦行，但又驚遲啲面臨重建，士丹利街又無咁方便，可以選擇地方唔多。」

她坦言：「諗過買，但中環要搵一啲優質寫字樓，好貴，又有好多唔賣，或者銀碼好大。諗住在中上環買個寫字樓做對沖，但好貴，諗住擺係度進可攻，退可守，但呢浸升得好急好急，要多少少時間睇。睇咗中保集團大廈、遠東金融中心、海富中心，仍然未真正買落。(對於目前升勢有何感想?)好驚!直頭全城搶住，好似中保有啲單位1個月前叫價呎價2.5萬元，而家業主話必須要3.5萬元先至肯買，我梗係卻步啦!」她表示，仍在物色中上環一帶寫字樓單位作為對沖，預算4,000萬至5,000萬元。

發跡地重建，她一時感觸：「一開始出來掛牌就係個度，十五、六年，好唔捨得，但大廈唔少設施已舊，最唔捨得係樓上樓下，好多街坊，例如醫生，成日商量不如一齊搬。大廈雖然舊，但好有人情味，以前樓梯口有間蛇竇，大家食早餐，晨早飲奶茶、吹下水，好多醫生律師係度傾計。另一個建築設計好懷念，係大廈有一個煙囪俾人掟信落樓下信箱，係來驚煙囪效應先封咗。」

無獨有偶，新租大廈亦不乏醫務所，「有啲人以為係咪睇醫生嘅人會過來算下命，我就唔係咁諗，上來算命嘅，睇失戀、睇錢銀，有啲唔開心嘅嘢，但經過呢幢大樓，希望佢感受到好多嘢好閒，最緊要身體健康！」

蘋果財經，關心你飯碗
http://fb.com/appledailyatm