【靚聲聚集人群】Jer@Mirror除罩街頭演唱 花姐嚴令笠番實
busking花姐柳應廷Jer
Mirror成員柳應廷(Jer)參加歌唱比賽前於街頭表演做Busker,昨晚他到尖沙嘴碼頭再次重回舊地演出,跟支持自己多時的粉絲重拾回憶。雖武漢肺炎肆虐,但仍吸引約300歌迷聚集,但眾人戴上口罩保護自己,他亦呼籲大家注意安全。他原本想除口罩唱歌,但經理人花姐下令必須戴口罩唱,表演時因最初無聲,他一度除口罩,經工作人員提醒時再戴回,但口罩卻不斷下滑。今次快閃唱5首歌,第1首是粉絲點唱當時他比賽第1首歌《陀飛輪》。
表演前Jer自言緊張,記起以前在街頭唱被嫌棄:「試過喺街頭賣唱有人話我唱得難聽,亦試過有人拔掉電制唔好唱。今次特別返嚟呢度鼓勵吓唔開心嘅人,有乜事點都克服到。」而有歌迷向他講,他的新歌令自己消除抑鬱,打開心窗重新接觸人。而他的有心歌迷,更出錢在社交平台賣廣告做宣傳,以他所知花了不少錢。
另外,因疫情關係,Jer指不會有握手環節:「我都擔心嘅,但都想同佢哋影相,最多有少少距離,想同佢哋有啲留念。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
Jer說以前在街頭唱被嫌棄,如今有新歌,有歌迷感謝他的歌令自己消除抑鬱。