求驗客手記:高治結婚玩低調面左左 - 求驗客

蘋果日報 2011/06/12 00:00


好多名人對於自己嘅婚禮都想低調行事,連熱刺前鋒高治都唔例外。我求大俠睇禮拜日嘅《世界新聞報》得知,高治講到明唔畀嘉賓喺佢呢個月30號嘅婚禮度影相,同埋唔會對外透露婚禮過程同支出項目等詳細資料。不過篇報道仲提及,唔好睇高治同艾比喺度假啲相好恩愛(圖),但其實佢哋口和心不和。點解?咪又係高治上年「偷跳」影響囉!而且高治同艾比拗婚前協議同設計婚禮過程等,嘈得好唔愉快,希望佢哋婚禮唔會節外生枝喇!