「香港專業電影攝影師學會」30週年晚宴今晚假香港洲際酒店舉行，范冰冰獲得「攝影師眼中最具魅力女演員」，佢就話自己最有魅力嘅地方係仗義，因為係山東女孩，又好多謝咁多攝師影得佢咁靚，特別係黃岳泰：「他之前跟我說要拿獎，叫我一定要去支持，今天晚上我飛巴黎，也來支持他，泰哥拍得我那一邊也漂亮。」

冰冰嘅細佬喺韓國出道，有指細佬背住冰冰個名，所以有壓力，冰冰就話：「他心情還好，很努力。」有傳細佬係私生子，冰冰就話呢個問題就唔答喇，佢話：「我覺得這個問題很無賴。」

周秀娜多謝唔同攝影師拍得佢好靚，拍戲成日要「萬歲」攝影師、燈光師都拍得好辛苦。咁有冇人試過影得唔靚？娜姐好謙虛咁話：「如果有一定係自己問題。」

娜姐今屆憑《29+1》爭金像獎影后，娜姐話：「冇諗過有得上台，有得提名都好開心，好想睇《黃金花》毛姐演出。」佢話會好好享受入圍興奮，仲透露當時好辛苦：「拍呢套戲時心情唔係咁好，都需要自己攬下自己，或者要搵個人攬下自己。」

精選娛聞，喺晒《娛果》
http://fb.com/appledailyent