誰說只能在傳統戲棚時才能找到中式吹糖師的蹤影？還以為在文化歷史博物館才會展出極罕見的舊式玩具、童年精品？荃灣友入沙田和尖沙咀博物館睇展覽可能會說句：「不了」。不過今次在荃新天地就有港味夠濃的懷舊展覽，展品珍貴，你唔係唔睇啊？

「回味香港情」展覽今次與「TINY微影」模型店合作，首展以荃灣為藍圖的微縮模型作品，細節做工細膩。活動期間，逢週六、日會舉辦懷舊市集，吹糖、經典糖畫都有，仲有得同香港收藏家交流！不過想參加小巴牌、糖畫或中式吹糖等工作坊，就要消費滿指定金額喇！

現場還展出多款經典舊式玩具如鐵甲人、古董玩具車，加上5大個懷舊經典場景打卡位，福來邨公屋、人力車又任影唔嬲，值得一去！

「回味香港情」展覽
日期：即日起至4月8日
時間：11am至8pm
地點：荃新天地1期中庭

懷舊市集
日期：即日起至4月8日（逢星期六、日及公眾假期）
時間：下午1時 至 晚上8時
*顧客於場內最多兩間不同商戶以電子貨幣即日消費滿$300，即可報名參加工作坊

採訪、攝影、剪接：王瑋彤