由朴明秀、朴修弘及Sleepy共同主持嘅韓國MBC綜藝節目《世界上所有放送》世上月28號首播，不過噚日播出嘅一集卻遭到觀眾投訴。

根據韓國廣播通信審議委員會指，噚日播出新一集嘅《世界上所有放送》中，觀眾就投訴呢一隻竟然播出有關馬匹被閹割嘅場面，最恐怖係主持人喺鏡頭前生吃馬嘅睾丸，播出嘅畫面相當不雅，亦令觀眾感到不適，所以唔少觀眾都即刻投訴有關節目。而韓國廣播通信審議委員會就話已接收到有關觀眾嘅投訴，佢哋會進行內容審議，之後會再作決定商討有關節目嘅處罰。

節目導演崔明根今日回應傳媒時就話當時製作節目有三大原則，就係唔會妨礙佢哋嘅演出權，第二就係唔破壞節目嘅本質，第三則是付足出演費用。佢話可能有關片段會令觀眾覺得唔舒服，但由於五月係當地嘅閹割月，如果馬匹唔咁做生命就會受到威脅，喺好多韓國紀錄片都有相關內容，節目亦只係表達現實生活情況，佢話如果令觀眾唔舒服，應該係製作組嘅傳達方式有不足之處，呢方面佢哋日後會更加注意。