對於本港出現疑是「練功券」的貌似港元「偽鈔」，不少市民及遊客都大表驚訝，其中燒爉檔職員麥先生表示，雖然未見過、未遇過，但「梗係驚收到(練功券)啦，假銀紙」。他指日後收錢「會睇清楚啲，如果收到(練功券)會報警。」

另一間玉石店負責人徐先生則指：「收錢會逐張睇，好仔細，事件對其他人可能會擔心，但我哋小心冇問題。」

市民林先生更對還有人用練功券大惑不解，「而家銀行職員仲要練習數錢㗎咩？銀行數錢唔係過機咩？」他表示不擔心收到練功券受騙，「練功券同真鈔相差好遠，如果練功券呃到人，影印都一樣呃到啫。」市民鄧小姐亦稱：「除非係大商戶收大疊銀紙夾1、2張練功券，自己找贖收錢都會望清楚，相信騙徒都好難蒙混過關。

而內地遊客胡小姐知悉事件後，大感驚訝：「不可能吧！」她直指練功券明顯是假幣，上面寫有練功券三字，一望而知，故不擔心被騙。

來自上海的馬先生亦稱，知道練功券的作用是用來練習數錢紙，但他形容「很容易認出來」，雖然練功券與鈔票相似，但大小不一，比較細一點，不擔心找贖時收到練功券的假鈔。對於有商戶疑收到練功券蒙受損失，馬先生批評騙徒「肯定不對，是騙人嘛！」

你敢爆，我敢獎！ 即Call《蘋果》24小時爆相爆片熱線 ：63836568