當年今日
關於我們

【好男人形象幻滅】渡邊謙背妻密會小三 發展不倫父女戀

蘋果日報 2017/03/29 17:02

偷情不倫渡邊謙南果步

日本男星渡邊謙同第二任太太南果步係圈中模範夫妻,年前兩人先後不幸患上癌症,多得互相扶持,結果抗癌後逐漸回復健康,南果步更樂做跟得夫人,今年飛往美國陪同老公生活,為成功打入荷李活嘅渡邊謙打點一切。
日本爆料雜誌《週刊文春》預告聽日出版嘅最新一期,將會公開57歲嘅渡邊謙不忠證據,透露渡邊謙一直有個36歲圈外小三,並拍得佢背妻在美國密會情婦,二人於上月在紐約煙韌拍拖,報道指共拍得十多張二人合照,當中包括拖手、遊車河及疑似親吻等,雜誌今日暫時公開一張兩人行街照,渡邊謙嘅發言人表示不作任何回應。
有知情人士指,渡邊謙上月亦係趁住南果步離開紐約時再度約會小三,兩人從2013年8月底開始在大阪認識,雙方不時於美國、大阪等地偷情,發展不倫關係。