當年今日
關於我們
【短片】【跑道特色】食糊靠呢啲
蘋果日報 2014/04/24 06:00
【跑道特色】食糊靠呢啲
女皇盃大賽日宜秤先以後勁食糊之馬匹。
禮拜日跑女皇盃,一如以往用全闊A跑道,睇番上季同日賽事,居中後上馬表現遠較前領馬為佳,當日逾半數頭馬居中後上勝出,其中「川河首駒」、「青出於藍」、「勝哥兒」、「隨心隨意」及「軍事出擊」更是守中外叠位置,入直路在外欄場地衝贏對手,所以要優先留意靠後勁食糊之馬匹。
今戰列陣馬中,第六場「奪金」三次跑田草A欄未失獎金,包括上季正是於女皇盃日贏馬,吼準同日A欄賽事上陣,換上莫雷拉壓陣有力重溫好夢。此外,第二場「敏歡騰」係全場唯一贏過田草A欄之列陣馬,憑較佳場地性能,加上韋達手風正順,可望打開今季勝門。