星光集團(403)高息、低PE,兼備內銷及市場復蘇元素,冷灶值得煲。
星光主打印刷及包裝,係冷門工業股,但集團93年上市到家陣,挨近17個年頭,見慣幾多個金融風暴,已經係信心保證。星光2010年半年度,受海嘯後遺症影響,純利跌兩成到3170萬銀,但Keep住派中期息1仙,回饋股東。隨住下半年環球經濟走出谷底,星光肯定可以受惠。加埋集團擴大內銷業務,食住龐大內需,嚟緊日子,可以好肥仔。
好保守計數,星光2010年度純利只係維持喺09年度5970萬銀,全年派息2.5仙,PE都係得5倍,而息率就高企4厘。隨住內銷效應反映,2011年度純利係咁意增長30%,PE得番3倍幾。冷吼星光,博現價0.57元翻半番到0.85元,預期PE仲低企7倍水位。