中國宏橋（1378）食住全球交通基建輕質量化，主打鋁產品應該係肥仔水，而家陣得超低4倍嘅PE，唔怪得北水透過港股通，起勢密密地吸納，博食大茶飯。

宏橋主打液態鋁合金、鋁合金錠，同埋鋁合金鑄軋產銷。先睇吓大環境，據中汽協數據，製造汽車用鋁代鋼，整架車嘅重量，可以減少30%，而耗油量亦可以減省30%，汽車業包括大哥大寶馬、通用等，已經增加使用鋁材，而美國亦推出全鋁汽車產品。

唔單止在汽車瓣數，家陣就連城軌、航空，以及內地嘅電網，都加深採用包括鋁嘅輕質材料。原因真係好簡單，輕質量化符合環保節能嘅大原則，兼且已經成咗個勢！

本文為節錄，全文請留意明日蘋果日報投資版。