睇見近兩年香港短途錦標都落入外隊馬手上，不禁令人懷念「精英大師」，但呢匹前馬王往事只能回味。馬主施雅治今季有匹新馬嚟咗，叫「英勇大師」，周二朝施雅治夫婦專程嚟睇愛駒試閘，「英勇大師」試閘表現唔差㗎得第三；試完施雅治即刻捉住告東尼密斟，睇嚟好緊張喎。其實「大師」系馬向來急進同埋鬥志十足，「英勇大師」如果有「精英大師」七成功力都不得了，稍後呢隻馬報名上陣嘅話，大家就要吼住喇！