當年今日
關於我們

英超早飛王:祖維爾尋「根」撐打比 - 畢傑

蘋果日報 2008/01/11 00:00


畢傑買波好少掂強隊,今周搵場「衰鬥衰」嘅場次,打比郡迎戰韋根做推介。打比郡近期輸得唔抵,有望趁簽入幾名新兵轉轉運,加上領隊祖維爾對前球會熟到爆,〈早飛王〉能否6連勝,就睇打比郡呢個平手盤喇。畢傑
1〉星期六6 打比郡vs韋根
英超開「咧」前直到𠵱家,畢傑都仍然認為打比郡冇英超聯水準,假如今周佢哋對實力分子,我依然會貼其對家,話之打比郡有主場之利。不過今次唔同噃,難得對住作客11戰3和8負嘅韋根,打比郡仲唔博等幾時喎?
打比郡都叫積極嘅,喺1月轉會市場重開買咗前紐卡素翼鋒羅拔,近日又買埋布力般流浪嘅沙維治,聽講借用熱刺嘅賀森加利已接近完成階段,霎時間多咗3件有料中場加盟,都諗到對球隊有正面幫助嘅。最重要嘅係3個都打過英超,唔使又好老土咁要適應呢個聯賽風格嘛。
新加盟嘅沙維治為咗多啲機會落場比賽,由布力般減薪過檔都願,呢類球員咪叫有heart囉,踢波最緊要呢樣嘢咋嘛。沙維治嘅踢法,加埋打比郡原有出名攔截狠勁嘅奧克利同路易斯等人,又有羅拔、費爾夏柏派牌,攻守實力真係好咗好多。所以冇養傷嘅安梳爾同皮雅臣,而麥伊夫尼又上陣成疑,平手盤我都認為坐和望贏。
韋根聯賽作客未贏過
韋根近期似乎有啲起色,對上6戰3勝2和1負,包括啱啱喺英足盃大炒新特蘭3:0。不過,正如我上述話齋,韋根聯賽作客仲未贏過,上場迫和利物浦1:1,都係靠巴布爾嘅神來之筆。睇番韋根近期入波都係靠賴恩泰萊、巴布爾同舒卓拿等守將,反映剛傷癒復出嘅希斯基及施比斯基狀態都係一般,睇你哋有運得幾耐?何況後防主力舒卓拿已累積足夠黃牌數目,周六作客打比郡要停賽1場,後場實力又弱咗。
總之,打比郡對住同級隊,唔博就等降班㗎喇,難得有個平手盤高水玩吓,大家唔好俾韋根近期戰績嚇親,虛火嚟㗎,信我就要打比郡。
2〉星期六3 阿仙奴vs伯明翰
兵工廠食硬阿「伯」
阿仙奴周中聯賽盃收起艾廸巴約、法比加斯及路斯基等大部份主力,但卻新添辛德路斯、佐羅及尹佩斯3名傷兵,3人俱未知能否趕及在周六上陣。至於高路托尼、伊保爾及桑治已離隊備戰非國盃,希比則仍因傷上陣成疑。伯明翰肯定有戴文莊臣及借將中場奧賓拿因傷缺陣,上場英足盃精銳盡出仍不敵哈特斯菲爾德,熱捧阿仙奴「主勝」,另可補「大」波膽。《「大」炒客軍》
3〉星期六4 阿士東維拉vs雷丁
維拉「夫添」可掃雷
維拉目前不受球員傷、停影響,主力如艾邦拉荷、艾舒利楊格及巴利等俱可列陣;球隊近日正打算向熱刺及阿仙奴,分別羅致占邦達及狄亞拉,以加強中後場力量,今周面對失球數字嚴重的雷丁,單W穩。雷丁剛外借隊中守將賀爾斯至英冠的水晶宮,西蒙確斯亦甚大機會離隊,似乎領隊有意將連續13場失球的防線重整;今周或有養傷多時的奧士達復出,格連列圖則續缺陣。《單W算數》
4〉星期六5 車路士vs熱刺
車仔缺非洲兵難拔刺
車路士周中聯賽盃擊敗愛華頓實欠說服力,證明缺少續要養傷的林柏特及舒夫真高後攻力稍減。杜奧巴、沙洛文卡勞及艾辛等已離隊備戰非國盃,約翰米基爾聯賽盃領紅而要停賽4場,難穩勝熱刺,我會揀「客勝」。熱刺周中聯賽盃收起了羅賓遜,但領隊拉莫斯稱該名門將不等於遭棄用;中場侯度史東續要停賽,而戴倫賓特、卡保奧及列卡度洛查很大機會休戰,可保不敗離場。《冷選「客勝」》
5〉星期六7 愛華頓vs曼城
曼城有力保不敗
愛華頓最近成功借得華倫西亞中場文奴費南廸斯回巢,周中聯賽盃多打車路士1人下,仍欠運地1:2敗陣;至於奧士文及伊恩端納仍在養傷,雲達美廸及史杜比斯則有望復出。曼城領隊艾歷臣希望大換血,分別從馬賽收購尼安、拿斯尼,以及圖盧茲的艾文達;球隊現時並無主要傷兵,中場米高莊遜已告傷癒,但未知會否正選披甲。曼城近期不敗率高,取受讓平/半的下盤。《和波味濃》
6〉星期六8 米杜士堡vs利物浦
紅軍有謝拉特捧W
米杜士堡近期狀態異常飄忽,曾擊敗過阿仙奴,但又卻可不敵韋斯咸及伯明翰;球隊日前出價1,400萬鎊欲收購海倫芬的巴西前鋒艾方素,據悉更得到對方答應。至於美度、艾利亞廸里及活基治俱有微傷在身,周六未知能否上陣。利物浦丹麥守將丹尼爾艾格已在預備組賽事復出,但料周六仍不會獲派出戰。不過紅軍有謝拉特復任正選,單W仍可捧,另補小勝開「和局」。《紅軍小勝》
7〉星期六9 韋斯咸vs富咸
雙「咸」打吡吼「大」
韋斯咸上場聯賽被阿仙奴技術擊倒,實在情有可原,更新添龍格保這名傷兵,不過球隊早前憑主場擊敗過曼聯。柏加、蘇蘭奴及加比頓等已復操,但未知會否周六上陣,這類倫敦打吡戰,吼「大」最合。富咸有意簽入祖雲達斯的守將保桑,而領隊鶴臣稱不介意球隊踢法醜陋,取3分最重要。麥比廸、艾朗曉士、基拿、基斯坦禾及伊恩皮雅斯有傷在身續休戰,取韋斯咸W加「大」。《主W補「大」》
8〉星期六37 曼聯vs紐卡素
紐記炒帥難逃魔掌
曼聯剛於英足盃憑基斯坦奴朗拿度及病癒復出的朗尼建功,2:0淘汰阿士東維拉,球隊正處於強勢,縱有後衞布朗停賽、施維斯達及史高斯養傷,但有泰維斯及加利尼維利復出,後者更在日前預備組賽事取得入球,大炒可期。紐卡素剛開除領隊艾拿廸斯,由暫代教頭皮雅臣領軍,就算有奧雲、艾美奧比、安利及占士米拿傷癒,相信仍難逃輸波命運,捧紅魔「主勝」穩陣。《曼聯「主勝」》
9〉星期日2 新特蘭vs樸茨茅夫
老樸缺兵作客捧唔過
新特蘭剛在英足盃0:3不敵韋根出局,領隊堅尼賽後以「羞家」來形容球隊表現;中場基蘭李察臣已復出,惟卡路士艾華斯及祖柏仍要養傷。樸茨茅夫陣中多名非洲兵已離隊,包括簡奴、烏達卡及柏巴廸奧普等,實力當然會大打折扣;而桑戴維斯、派密斯、馬田卡尼及艾舒唐仍因傷缺陣,馬菲泰萊又被保頓挖角,作客始終捧唔過,平手必取新特蘭。《平手撐貓》
10〉星期日14 保頓vs布力般流浪
保頓布力般和味
保頓將於短時間內簽得些路廸後衞巴爾廸加盟,而希古臣及華斯廸仍在養傷,前鋒安歷卡則據悉有可能會在日內轉投車路士。布力般流浪上場英足盃大敗1:4予英冠的高雲地利,實情是該仗收起了近況大勇的辛達告魯斯,不過這名巴拉圭射手據報有傷在身,周日作客保頓一戰上陣成疑;而艾馬頓及羅拔斯同時因傷未能出戰,令這場英超夜場戰充滿和味,直取和波,亦可兼顧「細」。《買「雙」加「細」》
周末早飛超級重心
《英超》
星期六5
車路士vs熱刺
讓球主客和:熱刺勝[+1]

星期六6
打比郡vs韋根
讓球:打比郡(平)

星期六8
米杜士堡vs利物浦
主客和:利物浦勝

星期六9
韋斯咸vs富咸
入球大細:大