有民主派中人直言，林鄭月娥急於將《逃犯條例》修訂在6月12日直上大會，就是怕有更多市民上街、甚至拖到今年7.1遊行，到時可能連建制陣營也會動搖，重演當年23條無法立法的局面，「所以西環、林鄭想快手通過送中例，佢哋把口就話唔怕，心入面就最怕又有幾十萬人遊行，到時唔知點同北京交代」。
另一名民主派人士更表示，北京以及中聯辦的如意算盤是只要硬過送中例，「過一排香港人就唔記得」，不過他指港人要反擊，「就要令北京知有幾十萬人上街反送中，即使畀你霸王硬上弓過到，到年尾區選、下年立法會選舉，政府同建制派要付出代價，亦要畀佢哋知道，香港人一定記得，唔會就咁算數」。
■記者莫劍弦