形象出位的魯芬，連續4屆打入高登女神總選20大，去年更奪得第5位，而4連霸封高登女神冠軍的謝安琪，對於魯芬BB突然撒手人寰，她在電話表示：「其實我同魯芬姐姐比較少合作，兩次都係一啲拍攝，但都有啲造型，佢每次都好開心，帶動現場工作得好愉快，因為兩次同佢拍攝，佢嘅造型都好獨特、好搶眼，我記得佢每次都係大家嘅開心果，我想多謝佢為大家帶嚟開心同歡樂。」

同樣當選過「高登女神」的劉心悠今日透過經理人回應，她透露在拍電影《天生愛情狂》時，有晚收工跟導演葉念琛等一班人外出吃飯時，剛好魯芬跟鮑起靜在鄰桌吃飯，大家坐在一起，這是頭一趟面對面跟認識魯芬，以往都是在銀幕上見她。劉心悠指魯芬非常健談，感覺對方很開朗，她說：「佢令到現場氣氛好開懷，好開心。突然收到呢個消息好shock，希望佢一路好走，同祝福佢屋企人。」

另外，曾與魯芬合作的張智霖，收到消息後表示：「之前同佢合作過幾次，我覺得佢係個開心人，每次同佢相處都係好好，全部都係開心嘅回憶。人生無常，希望佢一路好走。」