由李鍾碩同秀智主演嘅韓劇《當你沉睡時》現時正拍攝中，劇集將會先拍後播，並預計於9月播出。

曾經同李鍾碩合作韓劇《愛上Pinocchio》而成為好友嘅李聖經同尹鈞相，將力撐好友李鍾碩，喺劇中客串一角，噚日二人已完成有關拍攝工作。事實上，三人因為合作該劇而成為好友，不時會相約出來聚會，去年李鍾碩亦有客串李聖經主演嘅《舉重妖精金福珠》，認真好感情。

網民對於李聖經同尹鈞相客串都大表興奮，亦可見三人呢對《愛上Pinocchio》組合重聚，不過網民就好奇到底《愛上Pinocchio》女主角朴信惠兼曾經同李鍾碩傳緋聞嘅朴信惠會唔會都客串埋一份呢？