0靚妹李綺雯就話睇到人心寒，咁睇到人心痛呢？一定係苟姑娘。真係慘到不得了，佢竟然為咗個哨牙仔雪雪雪要淋雨，要喊，要傷心，要擔心冇咗個男朋友；而另一邊廂，雪雪雪已經偷嗒緊賴尿珠陳茵媺……仲要「好仔兩頭瞞」，有冇搞錯呀！！！

同樣追到（嚴格而言係冇追過）靚女嘅蔣志光，喺呢一集終於有機會一展佢靚聲王本色（記得嘛，前幾集佢話自己係靚聲王，曾經參加過新秀），喺大球場……出面對住李亞男獻唱百老匯音樂劇《Cats》嘅《Memories》。久違了的歌聲，蔣志光真人發聲，中氣十足，亦果然係靚聲，臉上光采重現。劇中講佢好似個小朋友咁，喺李亞男身邊彈來彈去、真係好似喺台上表現緊一樣，不過喜歡蔣志光嘅觀眾都會覺得，呢個先係真正嘅蔣志光。