【佬訊專欄】杯弓Sir影（佬訊）
蘋果日報 2020/09/30 13:11
阿儀：「你呢，記唔記得我有件黃色stutterheim雨褸呀，呢，上次落雨出黎我著過嘅呢。」
「我老公又發癲呀！」 在電話的另一端，阿儀的抱怨聲此起彼落。Peter心想，又來了，於是乎開了電話的speaker放在床上，拿起枕邊的《查泰萊夫人的情人》，一邊讀書，一邊聽阿儀的呻吟。
阿儀是Peter的中學同學，身材標緻，皮膚白皙，說話也文靜有禮，惟獨眼光不太好，嫁了個警察老公。畢業後兩人很少聯絡，上年在陰差陽錯之下，才開始互text噓寒問暖，最後更在本來home alone的阿儀家中，過了個愉快的聖誕節。
至此之後，他們每個月都會見上一兩次，幾乎每個星期都會通一兩個電話。特別當忠誠勇毅的阿儀老公，在街上維護法紀時，Peter也心裏有數，開始expect阿儀的電話及邀約。
「你呢，記唔記得我有件黃色Stutterheim雨褸呀，呢，上次落雨出嚟我着過嘅呢。」不知為何，阿儀每次講說話都要從回憶說起。
「嗰件褸我當年grad trip喺瑞典買㗎，隻黃色好靚，好sharp，落雨着好搶眼㗎。」Peter靜靜地等重點。「佢呀，唔知發咩神經，噚日執衣櫃話要我掉咗佢！話橫掂都少着，唔好阻住，黐線，唔知佢個腦諗乜。」
「咁都得？嗰件褸好靚架㗎喎。」Peter其實大槪估到阿儀老公的思路。當警察連黃色頭盔飾物都容不下的時候，他們的心理壓力，大槪用「杯弓Sir影」也不足以形容。
黃色雨褸、黑色t-shirt、pepe公仔、美國旗、藍底白字的標語，統統都是會威脅到他們自尊與安全感的武器。現在還有靜默遊行，從他們狹窄的目光望出去，大槪連人畜無害的路人，也是硬派革命分子。
但Peter懶得解釋，看着書中的情節，他只想快手進入下一個環節。「佢咁樣真係好唔啱，咁你下次落雨出嚟咪無得着囉。」
阿儀當然也明白Peter的言下之意，畢竟主動打這通電話的，正是自己，但另一方面，阿儀也不希望事情變得太easy，她還想再多撒嬌一會兒，想要有人聆聽被人疼的感覺。「仲有呀⋯⋯」
「佢近排仲成日掛住淘寶，買埋晒啲咩風火林山貼紙，我心諗，小學生咩而家，叫佢book位同我食飯都唔記得⋯⋯」阿儀繼續呻了五分鐘，最後不忘嬌嗔一下，搖一搖芳心難耐的尾巴：「我真係頂佢唔順喇，好想出去放鬆吓。」
聽到重點，本來正在敷衍的Peter立即坐直了身子。「我哋可以搵日去銅鑼灣食個brunch，然後再返你度。」打開電話上的日曆，尋找下個適合的日子。「不如就今個星期三？」