【新增動新聞】
基斯坦奴朗拿度（C朗）嘅感情生活向來都多姿多彩，但自從遇上西班牙辣模佐真娜之後，佢就對呢位靚女友死心塌地。係嘅，佐真娜的確係位非常吸引嘅女性，佢日前喺馬德里出席護膚品品牌Sesderma活動時就大放異彩，着住一條湖水藍嘅低胸透視長裙，惹火身材表露無遺，仲有種高貴大方嘅氣質，難怪C朗都話佢舊年歐聯射入嗰球倒掛金球，感覺都比唔上同佐真娜床上共渡春宵喇！

佐真娜就好似有種魔力，令C朗認識佢之後唔再貪玩，仲定性落嚟決心成家立室，答應遲啲會迎聚佐真娜過門。C朗近日接受傳媒專訪嘅時候，記起佢舊年4月仲踢緊皇家馬德里嗰時，喺歐聯8強倒掛射破保方守住嘅祖雲達斯大門，帶領銀河艦隊殺入準決賽兼贏埋錦標，佢就話呢個金球係佢生涯以嚟最滿意嘅入波。

不過，呢球點樣精采都好，原來都唔及C朗同佐真娜上床嗰時咁美好，佢話：「冇得比，冇嘢可以比得上同佐真娜嗰時個感覺，冇！呢球係我試過好多年先射得入嘅金球，我試過射入700球，不過咁樣倒掛都係第一次。嗰時仲要係對住保方，對住祖雲達斯，仲要喺歐聯，呢球確實係冇得輸！但只係同其他入球比，唔計其他嘢。」

-------------------
【撐學生】
召集有心人 撐學生全年睇《蘋果》
立即按此
-------------------
《囚牢之疆》 專頁
揭開集中營邪惡面紗
今日新疆 明日香港
--------------------
《體蘋果》陪你睇波講波
https://www.fb.com/appledailysports