最近政府出招壓抑樓市，推出雙倍印花稅同收緊按揭，謝霆鋒近日被發現將畀老竇謝賢住開嘅干德道金徽閣套現，帳面勁賺過千萬。

呢個單位霆鋒由05年以約1,200萬買入，去到今年市價其實要3,000萬，不過霆鋒嗌低接近一成放盤，而且該住宅一向都多間隔四正嘅過二千呎單位，吸引唔少買家，唔夠一個月已經有人以2,578萬接貨，霆鋒帳面依然勁賺過千萬，不過就要辛苦老竇謝賢，年過70都要搬竇。

霆鋒近年無論拍戲做生意定投資，都發展得好好，反而佢前妻張栢芝，自從離婚復出以來，做咗「票房毒藥」，負面新聞冇停過，仲畀人話養鬼仔惹禍，要搵高皓正求救，最近佢仲以「插水價」50萬參加內地跳水節目，比起一跳200萬嘅阿Sa，真係差好遠!