韓國「大長今」李英愛日前先來港出席完《MAMA音樂頒獎禮》，日前已返回韓國。

今年愛姐再推出新劇《師任堂，光的日記》，雖然反應麻麻，但愛姐未有氣餒，並已落實再接拍新作《異夢》，劇集將於明年播出。而愛姐一向熱心公益，佢今年已先後捐款做善事，當中包括8月時斯里蘭卡賑災、11月又捐錢予浦項地震災民，涉及善款超過2億韓圜(約144萬港元)。

近日愛姐繼續做善事，並將佢早前出演JTBC《全年齡段可觀看》嘅酬金全數捐贈給「2017首爾獨立電影節」，愛姐方面表示希望出力振興韓國獨立電影，所以才捐出酬勞作為頒發獨立電影明星獎嘅獎金。

而首爾獨立電影節已經有43年嘅歷史，閉幕禮將於本周五舉行。

更多韓流，喺晒《娛果》
http://fb.com/appledailyen