今日劉穎鏇同余香凝喺上水出席足球活動，對於應屆港姐雷莊𠒇有傳因為受卸任後返加拿大工作，再加上當選後負評如潮，結果無緣拍今年港姐宣傳片，由劉穎鏇頂上。劉穎鏇喺活動上被問此事，佢話：「我覺得唔係頂上，可能係今屆嘅人唔得閒，所以先搵我。」再問係唔係臨時？佢話：「唔係，都有一段時間，相信係檔期問題先嗌我。」

活動上有13名英超球員出席，佢哋兩個同球員合照，同埋即場學用心口同pat pat頂波，兩人表現有板有眼，原來佢哋以前都曾經學過足球，劉穎鏇話：「我以前試過踢波，不過唔係守龍門，而係其他崗位。」佢仲話：「我鍾情靚仔球員，如果將來男友識運動會加分，唔一定要識踢足球。」余香凝亦笑稱愛喺Ig睇靚仔球星。

精選娛聞，喺晒《娛果》
http://fb.com/appledailyent