當年今日
關於我們

【果燃上架 ‧ 鏗鏘集】7.21一年過去仍然鏗鏘 重新翻查CCTV重組真相

蘋果日報 2020/11/03 16:05

鏗鏘集果燃台

7.21發生將近一年,事件論述由最初的白衣人襲擊市民,漸漸演變成白衣人與黑衣人的暴力衝突。黑與白,是與非,在混沌的世道裏難以彰顯,而事實的真相,又由誰主宰?又是否已淹沒於洪流之中?
《鏗鏘集》:「7.21誰主真相」 ,再次翻查當日閉路電視紀錄,以及網絡片段裏的線索,重新查找7.21的真相。去年7.21事件其中一位遇襲者,擔任廚房工作的蘇先生,當時正值下班時間路過,就遭遇白衣人襲擊。「我嗰陣仲着住對廚房鞋,啱啱喺上面放工,乜都無做過,我問佢哋係咪打錯人?」一年過後,蘇先生傷勢已癒,然而內心鬱結卻未曾解開,皆因警方及監警會的專責報告,仍未能還事件一個公道。「警方連認人嘅程序都無,得唔到我想要嘅答案,我唔知點解俾人打,亦唔知邊個人打我!」「即係當我哋都可以搵到一啲CCTV去講呢啲事嘅時候,點解警察會做唔到?定係唔做呢?」
《鏗鏘集》追查線索,發現當晚有白衣人穿着印有類似「厦溪會」會徽的白衣,因而追查至鄉委會旗下的厦溪會主席兼村長鄧錦輝,而村長亦否認厦溪會與白衣人有關係。「我都唔知係咩人,咁人哋有權着呢啲衫㗎嘛,我都唔可能控制到佢。」至於當日為何有大批白衣人於停車場聚集?村長鄧錦輝指當日他不在村內,不知發生何事︰「總言之呢單嘢我哋就唔清楚」(但你係村長嚟㗎喎)「村長一定知嘅咩?傻㗎你都,村長有好多嘢唔知㗎!」
誰是誰非,誰掌公論,可能永沒有答案。不過其中一位於元朗鳳攸北街開店、並向《鏗鏘集》提供CCTV片段的店主James(化名),則有其信念︰「勝利者而家不停竄改緊成個歷史,嗰件真相就慢慢被世人遺忘,或者用好多千方百計嘅方法,令到嗰件真相慢慢咁消失。咁但係每一樣事情發生過,都會記喺我哋心入面。」,他再補充:「我相信一定會良知勝過邪惡,乃至幾年幾十年都好,我相信最後真相會水落石出。」
《鏗鏘集》為果燃台免費節目,毋須登記或訂閱均可收看。
香港電台《鏗鏘集》︰「7.21誰主真相」 現已上架。立即就到果燃台收看足本節目。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新:iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁