嗯……大家都知道譚順生係點樣樣啦。

估唔到司儀竟然問Celine妹妹：「你覺得爸爸靚唔靚仔？」你叫Celine點答？

於是Celine妹妹望住爸爸，諗咗陣，指住爸爸話：「不如你答吖！」

今日係Celine妹妹參加《全美一叮》後首次在港公開現身，仲係同爸爸媽媽一齊出席尖沙嘴一間cafe開幕。

承上題，就算Celine妹妹將個波交俾爸爸，但佢都要答0架，咁佢笑笑口話爸爸好靚仔啦。然後司儀又問：「除咗爸爸之外，仲有冇其他人靚仔？」

黑人問號？？？？

Celine妹妹答：「冇人喇！」

司儀再問Celine妹妹，除咗唱歌之外，仲有乜嘢興趣啦？佢就用半鹹淡廣東話話；「唔…我鍾意畫畫啦，煮嘢食啦，最叻就係番茄炒蛋。」然後再埋位，backdrop前面埋位，一齊整甜品喇！