有資深民主派中人笑言，當年立法會有八黨聯盟，就是民主、建制派合作，成功逼政府在民生議題讓步，「今日李慧琼咁快閂後門唔肯同民主派合作，建制派有幾大誠意逼政府讓步？怕且唔使多講」。
該資深民主派中人記得八黨聯盟於1998年立法會選舉後成立，當年建制派還算有心在民生議題上逼政府回應民意，所以肯和民主派合作，退稅、減差餉、改善空氣質素、凍結公共交通收費等問題上逼政府讓步，接受立會各黨派建議，當時立法會真的可以令政府接受議員意見，「關鍵係八黨聯盟有建制派加入，即使未有行動，政府亦因為民主、建制派共同支持某啲政策，喺立會入面有過半支持票，政府政治上唔讓步唔得」。
不過，有關做法自然令西環、港府不滿，該資深民主派中人稱，今日建制派已經不敢再提出甚麼八黨共識，「甚至同民主派行得近啲都唔敢」，即使政府政策有違民意，他們也不敢真的與民主派合作施壓，「把口就鬧，實際等政府畀個下台階佢哋轉身，再理直氣壯轉軚支持政府」。
季陶
周一、三、五刊出