深閨瘦身打理家族生意
超雲爆超蓮觀音兵氹氹轉

蘋果日報 2016/04/02 00:00

賭王何鴻燊三房孻仔何猷啟昨日現身上環，與玩具大王蔡志明女兒蔡加怡齊齊以新一屆東華三院總理身份現身就職禮，猷啟的母親陳婉珍帶同兩位囡囡超雲及超蓮總動員前來撐場。久未有出席公開場合的超雲，身穿黑橫間露肩短裙現身，與穿着白色吊帶裙的超蓮成為亮點，超雲顯然清減了不少，她透露有做運動減肥。問到超雲近月忙甚麼？她表示：「幫媽咪手，太耐冇出嚟，唔想答太多嘢。」
empty
超雲（左）久未有現身公開場合，昨日與超蓮齊齊捧細佬做總理，身形清減不少。
否認翻撻陳山聰
超雲愛鑽研廚藝，會否考慮做飲食生意？超蓮即代為搶答：「我哋會一齊搞，希望可以今年開一間餐廳，遲啲會講，地點係唔係香港？未講得住。」在旁的三太亦表示會出錢出力支持。
講到二人有否戀情，超蓮身邊觀音兵氹氹轉，超雲即笑言：「我唔使問啦，問佢啦，佢揀唔到，等佢自己慢慢揀。」而超蓮即「睥」了超雲一下，再強調自己單身。早前有指超雲與陳山聰復合，她就表明：「梗係冇啦。」
此外，三太前日被影到睇醫生，她指近日天氣轉，皮膚出現小問題，而她的胞妹陳婉玉名下公司被傳媒揭發與民政事務局常任秘書長馮程淑儀於兩年前交換跑馬地兩個相連單位，惹起多項涉及利益衝突的質疑。她表示：「我唔知呢單嘢，我連報紙都未睇，唔回應喇。」
採訪、攝影：羅慧敏
empty
超蓮去年底與吳克羣結束4年情後，同時與霍啟山及內地富二代劉根森傳緋聞，被家姐超雲爆她的觀音兵不斷氹氹轉。資料圖片
empty
猷啟首次做總理，三太陳婉珍（右）、超雲及超蓮前來撐場。
empty
已陀7個月B的蔡加怡（右）首次做總理，家姐蔡加敏及細佬蔡加讚全力支持。