第二屆澳門國際影展暨頒獎典禮所舉辦嘅「彭浩翔導演大師班」前日喺澳門理工學院舉行，活動吸引咗澳門、香港同大陸約200青年學生同業內人士參加。大師班嘅主題為「如何寫出不像假口供的電影對白」，彭導喺座談會同在場觀眾分享佢嘅電影拍攝經驗，佢講到電影對白嘅寫作方法，其中提到創作劇本要從日常生活中搵到能感動自己嘅題材，唔好計算感唔感動到觀眾。

而講故事亦唔應該只限於用對白，其實可以透過表情、身體語言等等去表現情緒狀態，又鼓勵有志於電影工作嘅後輩喺日常生活中，多留意別人嘅對話同行為，咁樣先至可以創作出真實同生活化嘅對白。喺大師班嘅後半部分，彭導同兩位特別嘉賓《那一年，我17》導演陳雅莉同《愛比死更冷》何飛對談。

更多娛聞，喺晒《娛果》
http://fb.com/appledailyent