反修例運動踏入一周年，過去百萬港人投入抗爭，由文宣到國際線要人有人，但脫下面罩大家都是普通人，要工作糊口，抗爭之餘亦要養活自己。多個北區民主派區議員組成嘅「北區連線」，見到唔少手足由運動開始免費犧牲工餘時間、放棄工作設計連儂牆文宣等，佢哋希望支援呢班出心出力嘅手足，於是同之前製作「香港人日曆」嘅朋友合作，推出「抗爭月曆」，扣除印刷成本所得利潤全數轉予文宣手足。

月曆橫跨2020年6月至2021年5月，以6月做開首，係因為北區連線嘅手足認為，應該以抗爭一周年為一個結算，回望大家過去走過嘅路，希望用6月開始嘅月曆，記住呢一切既變化，佢哋話：「每年6月亦係香港人新嘅一年，新嘅開始」，內頁除咗收錄港人過去一年抗爭嘅情境，包括醫護罷工要求封關救港，亦都有香港人嘅抗爭日程同埋記錄咗抗爭運動中每一個特別嘅日子。

月曆每本69蚊，相信香港人都會明白呢個數字嘅意義，月曆暫定限售1,400本，詳情可參考： https://wefund.hk/product/northlink-calendar/

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多