葵廣呢嗰大名相信係香港人都聽過，雖然一星期七日都逼滿人，但八方最鍾意去葵廣掃街，篤魚蛋、撈撈麵或酸辣粉，乜都有得食，價錢仲平靚正，就連美國駐港總領事唐偉康都去咗葵廣感受吓本地文化。

美國駐港澳總領事館噚日喺facebook專頁出post，見到總領事唐偉康喺葵廣打卡，仲貼咗幾張喺葵場食米線、篤魚蛋同行街嘅相。唐偉康喺葵廣食好西之餘，仲大讚嗰度係amazing place，因為有平衫、又可以夾糖，仲有二手書賣，真係應有盡有，仲話「唔怪得咁多年青人去啦」。

網民就留言大讚唐偉康親民，「呢啲咪叫貼地囉」，仲叫特首林鄭月娥「應該要學習吓親民」、「睇返真係好可悲，美國領事竟然仲親民同貼地過香港班狗官」。網民仲笑言「等睇總領事去澳牛食光速餐」。