0依家人人都愛返內地拍節目搵人仔，近日就連韓國天團BIGBANG嘅勝利都拍內地綜藝節目，唔知幾時到其他成員都返內地拍節目搵人仔呢？

內地東方衛視培育偶像節目《加油！美少女》嘅節目組噚日宣佈勝利會聯同內地男星黃曉明、羽泉等擔任參賽者嘅導師，節目組更公開咗Q版嘅勝利海報，節目將於下月播出。

另外，BIGBANG早前喺日本展開27埸巡迴見面會，合共吸引28萬粉絲捧場，而嚟緊7月，BIGBANG除了會嚟香港開騷外，亦會於29-31號喺日本大阪舉辦出道十周年特別紀念Live演唱會。