韓國近來多咗女星嫁俾CEO做人妻，繼韓劇《她很漂亮》女星黃靜茵上月跟鋼鐵企業家CEO李英敦結婚後，女團AfterSchool前隊長嘉熙亦將於星期六跟生活品牌CEO楊俊茂於夏威夷結婚，而嘉熙自公開婚訊後，就不時於網上放閃，佢噚日就於Instagram公開跟未婚夫出席派對嘅新相。

照片中，穿上禮服嘅嘉熙跟未婚夫齊齊舉起酒杯，二人臉上都露出燦爛笑容，嘉熙亦留言：「跪地朗讀親筆寫嘅信，我再次確定呢個男人嘅愛。我哋會一生尊重、相愛、有趣地生活。#謝謝#愛你們#我的丈夫#我的新郎」

而另一CEO人妻黃靜茵早前為服裝品牌拍攝新相，已為人妻嘅佢收起有料身材，只穿上簡約春裝示人。