香港拳擊界「神奇小子」曹星如(REX)今晚都有應邀到尖沙嘴出席，明顯化咗妝嘅曹星如自言好緊張。問佢見到宋慧喬未？「見到，本身都好緊張……(睇韓劇？)自己睇泰拳多啲。」咁宋慧喬係咪女神？曹星如就話:「佢好靚。(集郵？)剛才有打招呼同介紹自己，之後就有合照、」

曹星如嚟緊10月有比賽，下月去菲律賓training。至於拍攝電影，佢就話要問番經理人，但依家集中做運動。問及曹父兼7屆香港業餘拳擊冠軍曹樹仁上周二病逝，終年66歲，對此曹星如稱：「有心。」不欲多談。