長者勞碌半生，養育子女成人，但或因子女生活繁忙，兩者缺乏溝通，隔膜悠然而生，無形的牆越來越厚。有見及此，工聯康齡長者服務社土瓜灣中心推行「互助互愛互關懷」計劃，獲蘋果日報慈善基金撥款2萬元，於區內推廣家庭和諧。
79歲的清婆婆有三名子女，各有工作，均已搬離家庭獨立生活，她坦言與子女甚少溝通，「佢哋住得遠，又要返工，好少嚟探我，電話都少」。她不禁慨嘆與子女間已有隔膜，「其實好想知佢哋生活點，但冇機會，因為驚阻住佢哋，所以好少打畀佢哋」。
早前「互助互愛互關懷」計劃的義工上門探望她，她表示聽取義工的意見後與子女的關係略見改善，「義工叫我唔好驚阻住啲仔女，得閒可以主動啲打畀佢哋。家我等佢哋星期日放假就打畀佢哋，都可以傾吓偈」。