今年對於湯駿業嚟講係工作最繁忙一年，工作可謂一個接一個冇得停，點知做到連人都病倒。

今日佢聲沙沙去到商台宣傳新歌《只談喜歡不談戀愛》，佢話0依家把聲經已經比之前好，因為接受咗針灸治療，而之前係因為演出舞台劇後，聲帶受細菌感染而失聲。

啱啱又開始忙住排另一舞台劇，同為九月新劇寫劇本同相關準備工作，湯駿業話：「去年已計劃好今年係創作年，所以劇就一個接一個，都冇時間休息。」

若果演出前發現聲帶情況差，會否考慮打開聲針，佢表示盡可能都唔會打，以往試過打一次，雖然能撐到順利完成演出，但之後病況比之前更差。

近年佢都積極注意運動同飲食，每日都起碼跑步半小時以上，另外亦戒掉吃宵夜習慣，佢開始發覺精神同皮膚都有好轉。