全球瘋狂嘅慈善活動「冰桶大挑戰」,輪到AV女優出身嘅蒼井空玩,被內地人稱為蒼老師嘅佢,將自己淋冰水嘅片段放咗喺instagram,佢先自己攞住個膠盆倒冰,之後先至有人幫佢淋水,勇猛嘅蒼老師並冇挑走或者尖叫,佢只係儍笑!不過,蒼老師就學LadyGaGa學到足,GaGa淋冰水時坐喺張凳度,繞起隻腳,蒼老師亦擺同一個甫士,最可惜係佢冇學GaGa咁,着低胸衫淋水,令好多粉絲失望。
另外,日本騎呢組合金爆成員鬼龍院翔,亦都被點名淋冰水,但佢話其實對淋冰水呢個做法有所保留,唔係太贊成,但係被前輩點名,都一定要做。由於金爆正舉行全國巡迴演出,鬼龍院翔竟然話驚淋冰水會凍親感冒,於是改淋墨汁,認真創新!
日本男星市川海老藏,被爆紅嘅熊本熊點名後,都要喺宣傳電影時淋冰水,熊本熊嘅淋水片段就相當可愛。
蒼老師: http://bit.ly/1AGlkfe
熊本熊: http://bit.ly/XGU5n7
鬼龍院翔: http://bit.ly/1tuFpSD