武漢肺炎爆發至今，香港一直鬧「口罩荒」，不少藝人近日四出派口罩為市民送暖。陳煒（煒哥）、衛志豪和莫家淦昨日在將軍澳派口罩，煒哥透露自己口罩存貨暫時足夠，她說：「屋企有一盒，過年前入咗少少貨，因為有朋友喺泰國未限制時寄咗返嚟。」煒哥又謂平日注重家居衞生，不愁防疫物品不足，更透露好友何國鉦買了一大支漂白水，也分她一半。

崔碧珈為母積德

而蔣家旻、周奕瑋與許文軒昨日亦緊接煒哥於將軍澳派發口罩，1,000名長者居民受惠。三人首次派口罩，感到很有意義。穿上熱褲長boots的蔣家旻自爆家中口罩數量不太足夠，感覺沒有安全感，加上將開拍古裝劇，令她感到害怕，她說：「都有啲驚，因為開工時間較長，開三個幾月，一日要用兩個，喺唔使埋位時就會戴，個量唔係好夠，所以都會keep住上網睇吓買唔買到。」問到緋聞男友麥秋成可夠口罩嗎？她說：「佢應該夠嘅，需要嘅話我可以同佢分享。」問身為日本通的周奕瑋有沒有買口罩的門路，他卻自嘲是貧窮線，還要靠澳洲朋友接濟。

崔碧珈昨日在社交網透露下午時跟媽咪到彩虹派口罩，為昨日53歲生日的崔媽媽積福。崔碧珈昨以短訊回覆《蘋果》，表示共派了1,000個口罩。她表示：「最開心係媽咪話佢一直都有呢個諗法，估唔到我今年會送呢份禮物畀佢，幫佢達成咗個心願。」

吳日言探劏房戶

吳日言前晚就和好友鄧穎芝在社工協助下，到油尖旺的劏房戶派發物資，吳日言昨接受《蘋果》訪問說：「我哋去咗唔同嘅劏房戶派物資，仲同佢哋傾咗一陣偈，其中一個劏房戶一家四口，只係住喺百幾呎嘅單位，知道佢哋生活都好艱難，連埋水電每月都要過萬元，支出真係好大。」
採訪：羅慧敏、小米
攝影：葉君海