因為屋企家族人口眾多嘅關係，蘇麗珊話每年農曆新年都過得好充實同熱鬧，佢話：「成班表兄弟姐妹聚埋食飯好熱鬧，可能大家平時好少見面，所以好期待食團年飯嘅時候，而且我又鍾意食嘢，尤其係蘿蔔糕同年糕，我會畀自己食到年初五，然後就要勤力做運動！」

蘇麗珊仲話年年會擺年花：「桃花代表人緣，呢行好需要人緣，我覺得要人緣好首先要對人好。擺桃花旺人緣好似好迷信咁，但寧可信其有，新年湊吓熱鬧都幾開心呀！」至於今年嘅工作安排，蘇麗珊話：「我已經報咗好多課程，學結他、日文、演技、鋼琴等，加上已經傾咗幾個電影拍攝嘅project，今年將會係好充實嘅一年，好期待。」