【潮界開眼】Brooks跑服首到港 Pumpfury首設Boost底兩牌合併
蘋果日報 2019/10/17 00:03
Brooks
Brooks在香港屬較小眾品牌，但在美國其實有成百年歷史，跑鞋口碑不錯，今季更首次有跑步服裝到港。- 雖然跑鞋形設計雖較踏實，但就用上頗特別的顏色配襯，視覺效果也不俗。（Ricochet LE $990）
- 另外亦有紫色系列，套用在幾款不同型號的跑鞋上。
- Ghost 12用上經典的食鬼顏色，包括粉紅、芥辣黃及螢光藍，加上黑色中底，是搶眼之作。$950
- 為針對女跑友，更特別推出經英國樸茨茅斯大學乳房健康中心生物力學檢測研究，設有3個不同支撐度的sports bra系列，應付不同的運動項目。
- 雖然又係玩極都玩唔完的Instapump Fury，但今次就的確有驚喜。估佢唔到地竟然跟adidas的Boost底來個合體，變成全新的Instapump Fury Boost。
- 有趣的細節在於後踝位上有「PUMP X BOOST」的繡字。
- 外形基本上跟Instapump Fury一模一樣，但中底就換上出名舒服的Boost。
- 另外亦配上一條有齊Reebok同adidas logo的飾帶，不過個人就覺得有點over，唔用更好。$1,499
- 11月會再有新的白和黑配色，最欣賞是配上生膠黃色外底。
今時今日在香港，跑得快一定好世界！唔係話要跑步減肥，又或者備戰比賽，而係當你行行下街，行行下商場，都隨時會被克制的警察大追捕時，跑快兩步的確有so。所以平時得閒練下跑，絕對有需要，而正所謂工欲善其事，必先利其器，一身靚跑裝也少不了。跑裝選擇上，相信不少人都會選Nike、adidas等大牌，但其實除此之外，也有不少其他品牌選擇，好像一向也比較低調，但其實頗有實力的百年品牌的Brooks。
Brooks出品的跑鞋外形設計雖較踏實，但舒適性一向受不少跑友讚賞，而到今季品牌除了推出配色頗特別的新鞋款，更在香港首次推出服裝系列，用料除了具快乾和防臭的特性，更符合歐盟生態環保規範，跑得舒適又比較環保。而為針對女跑友，更特別推出經英國樸茨茅斯大學乳房健康中心生物力學檢測研究，設有3個不同支撐度的sports bra系列，幫助女生們應付跑步外，亦可有適合的服裝做活動量更大的運動項目。
踏實派有Brooks，潮流派最近亦有Reebok做代表，雖然又係玩極都玩唔完的Instapump Fury，但今次就的確有驚喜。估佢唔到地竟然跟adidas的Boost底來個合體，變成全新的Instapump Fury Boost。外形基本上跟Instapump Fury一模一樣，但中底就換上出名舒服的Boost。有趣的細節在於後踝位上有「PUMP X BOOST」的繡字，另外亦配上一條有齊Reebok同adidas logo的飾帶，不過個人就覺得有點over，唔用更好。配色上亦有心思，紅黃配當然夠經典，但另一款把UltraBOOST OG紫黑配色用在Instapump Fury Boost上就更見玩味。
記者：韓繼聰
編輯：鄒仲安
編輯：鄒仲安