香港鍾意請台灣過江龍做大學校長，幾經波折先扑槌嘅城大第三任校長郭位都係台灣人，噚日佢正式履新，佢話返工首日最大挑戰係講廣東話，隨身帶本《廣州話指南》操練。科大校長朱經武、城大前校長張信剛都係台灣人，苦學多年，佢哋𠵱家廣東話不知幾流利，張信剛當年睇電視跟汪阿姐學，呢招可以傳授郭位。
郭校長噚日小試牛刀講廣東話，向記者講一句「早晨」，之後就要轉番普通話頻道，令人最驚喜係佢用唔鹹唔淡廣東話講：「城大冇得叮（頂）！」