兩人結束七年之癢，雙雙步入人生另一階段，在慶祝結婚一周年同時，又充滿喜悅期待囡囡快將誕生，陳柏宇與符曉薇（Leanne）一對比喻為圈中其中一對最幸福夫婦，兩人默契與甜蜜程度越來越濃，當分享兩人相處之道時，柏宇輕鬆表示：「好易，唔駛壓力去做。」太太Leanne認為這便是遇到對的人。

陳柏宇最近派了同周生生合作新歌《認真如初》，日前跟懷孕靚太太符曉薇（Leanne）於新蒲崗接受專訪，夫婦兩人臉上幸福表情目光從拍拖至婚後一年，似乎越來越目中無其他人，只得對方一人，不時情深對望，正如今次首歌想呈現不同愛情組合中，那份情感歷久常新的感動。維繫一段感情並非易事，但他們夫婦感情、默契越來越好是有何秘訣，柏宇望著太太說：「好易，唔駛壓力去做，我覺得如果大家可以做一啲嘢，會令感情維繫得好，所以有少少驚喜係好事，雖然我都唔係好識去做，但有時會發自內心去做，有次我舉住個牌接佢機。」Leanne坦言當刻畫面令她非常驚喜難忘，最重要是老公連自己名字也寫錯，柏宇笑說：「呢個係我同你特別寫法。」Leanne即拋下一句「無人會寫錯字，而佢畀我驚喜仲有之前突然買咗架電單車。」即使丈夫又寫錯名又買電單車，她覺得夫婦那份愛及默契全因「遇到對的人」。

婚後不久便造人成功，心急為人父的柏字直言拍拖的七年過得好快，但太太懷孕時間就過得漫長，Leanne笑說：「係你心急想見BB出世，咁拍拖時係因為歡樂時間過得特別快。」柏字大讚太太懷孕後脾氣好了，他說：「佢又無乜半夜提出無理要求，可能我已經習慣。」太太即說：「你唔好誤導人，我成日都提醒自己唔好因為懷孕而脾氣差，相反佢就好緊張，有產前暴燥症咁，哈哈。」但Leanne承認能保持愉快心情懷孕，全因身為有位開心先生令她安心，因為柏字來來去去只會去工作及健身室，再沒有其他地方會去。

灌錄新歌時，遇上聲帶出血，柏宇感激公司及客戶的體諒配合，將錄音時間延期至他聲帶狀態轉好時才錄。Leanne指今次身體出無病，可能因柏宇工作太疲勞，整個月都不停飛及演出獻唱，只要有時間讓他休息便會好轉，柏宇說：「休養期間我都有照做Live節目，只係可以唔講嘢時盡量唔講，其實佢都試過我之前（病咗）唔出聲，不過今次佢做我口型就差好多。」Leanne解釋因為大肚婆會蠢一點，柏宇哈哈大笑說：「你個肚都好大。」

兩夫婦經常在網上放閃，早前有報道指他們在IG幫客戶出post，便收到六位數酬勞，對此他們未有否認，問到是否多了一個渠道增加收入來源？柏宇說：「都係，依家多咗唔同方法宣傳，對我呢類歌手好好多，收得平有名氣又唔會搵你，收得貴又出名又唔會搵你，喺呢個狀態就好少機會有廣告，但有咗社交平台，可以透過簡單植入方法去做，令客戶同自己都得益。」Leanne表示事前都會衡量產品是否適合他們才接，雖然有多一樣收入渠道，但柏宇表示仍然努力用心做好音樂。

快將成為父母，日前被指花六千元購買BB椅，Leanne澄清那張椅是價值四千元左右，她笑說：「佢同之前我初初懷孕時講嘅係兩樣嘢，當時就話唔好買咁多，慳得就慳，BB椅咪問人攞，依家就乜都要新要靚，千幾蚊一張都唔啱心水，要四千蚊張型格啲。」柏宇解釋自己只局限添置家中傢俬，其他如BB衫及鞋襪就未有買。對於將來囡囡的期望，柏宇說：「希望係好人，唔需要讀書好叻，好聰明，可以被人蝦，但心地一定要好。」

鳴謝首飾提供：周生生