一家大細齊齊養馬，有共同話題係件好幸福嘅事，好似馬主Peter蘇啟聲同公子Jackson蘇凱榮與千金Linda蘇凱欣咁，佢哋正準備好好享受呢一日！聽日佢哋分別有「共創美好」、「同個世界」及「同個夢想」三駒列陣，假如可以分頭報捷，相信蘇氏一家一定好開心。其實大摩向來唔憂冇馬，之但係仍肯接收姚廐「共創美好」。呢匹馬響11年由Ricky姚本輝幫Peter買入，可能上季未熟就冇乜走勢。家得到咗大摩賞識，兼俾潘頓連操八課快試，呢鋪隨時見「蘇」到匹馬嘅真正實力。