獲羅志祥讚身手不錯 龐景峰明年進軍影壇

蘋果日報 2015/11/12 06:00

蘋果小豬羅志祥錢小豪即時郭秀雲龐景峰身手不錯

龐景峰於美國錄音回港半天後,即到台灣宣傳「TONIGHT」第二波。今次一到台灣,景峰即上由小豬(羅志祥)主持嘅節目《娛樂百分百》,並即場表演小豬嘅新歌舞蹈,連小豬都讚佢身手不錯。之後景峰又馬不停蹄到多間電台宣傳,佢喺電台宣傳時,即場拎結他自彈自唱。

其實景峰今次赴台,除咗宣傳新歌外,原來經理人公司亦為佢引見多位台灣金馬獎導演。問景峰係咪喺台灣拍戲?佢笑言:「冇咁快,我仲係新人,今次只係同導演見面認識。」

咁希望拍乜嘢類型電影?佢話:「如果可以希望拍科幻片,好似《回到未來》嗰種都唔錯。不過我剛錄完新歌返嚟,今年集中喺音樂方面,如果係拍戲應該都係明年嘅事,睇公司安排啦!」